مطريه أون لاين matariaonline.com matariaonline.net
مقالات مشابهة
“غازي حبيبة” شاعر مصري بسيط متمرد يحاكي واقع المغتربين في السعودية، أطلق عليه النشطاء لقب “المصري أبو عيار 24″، رفض الانقلاب العسكري كغيره من الذين لا يقبلون واقعهم السيئ، فتفجر الإبداع من اللسان الذي تفخر مصر بأنه من ابنائها، منتقداً وفاضحاً فشل قائد الانقلاب عبد الفتاح السيسي.
وبخفة ظل وبراعة غير مسبوقة اسطتاع أن ينقل الصورة السوداء التي يحاول إخفاءها إعلام الانقلاب، وبعبقريه منقطعة النظير استطاع أن يقول ما لم يستطع غيره أن يقوله، فتعددت قصائده الشعرية الساخرة، وكان آخرها قصيدة “ارحمنا من طلعة جنابك”.
يقول في بعض أبياتها:
نظرا لأن النعمة فاقت حدها
ولأننا مش قدها
ولأن فعلا أنجازاتك
فوق طاقتنا نعدها
ولأننا غرقنا فى جمايل
مستحيل حنردها
نستحلفك …… نسترحمك
نستعطفك .نستكرمك
ترحمنا من طلعة جنابك
حبتين
عايزين نجرب خلقة تانية
ولو يومين
أسمع بقى
إحنا زهقنا من النعيم
ونفسنا فى يومين شقى
عايزين نحس بالاضطهاد
ونعوم ونغرق فى الفساد
بينى وبينك حضرتك
دا شعب فقرى مايستحقش
جنتك
أنا عارفه شعب ماينفعوش
إلا شارون وبلير وبوش
عايزيجرب الأمتهان
ويعيش عميل للأمريكان
بيمد “غازه” لأسرائيل
ويومين كمان ويمد نيل
أهو يعنى نشرب مية واحدة
ندوب فى بعض
ماء وماء وماء
ونفض سيرةالانتماء
وبلاشها نعرة وطنطنة
تبقى البلاد “مستوطنة ”
متسلطنةبالسرطنة)إية اللى خدناه م الكرامة والإباء
حبة خطب وكلام…كلام
إحنا راهنا على النظام
ورضينا بخيار السلام(بخيار)
حنسدعين الشمس بيه
علشان مايطلعش النهار
ويطلع لمين؟
حبة معارضةمغرضين؟
وحسب بيان السلطة
شلة مأجورين؟
ياعم
فضك سيرة
وارضى بقسمتك
دا شعب مش فاهم أكيد
يالا
أطرده من رحمتك
وإن كنت غاوى
الحكم
خليك مطرحك
هاغطس واقب وأعود
بشعب يريحك
راضى وعمره مايجرحك
أخرس ومايسمعش
وأعميلك عنيه
مش كل قرش يبص فيه
مايقولش لأه /وفين / وليه
يضرب ينفض فى السليم
وعلى الصراط المستقيم
كل اللى يعرف ينطقه
عاش الزعيم
يحيا الزعيم
