ماذا قالت بائعة مسنة لـ”أسامة مرسي” عن أبيه؟

كتب المحامي أسامة مرسي، نجل الرئيس محمد مرسي، تدوينة صباح اليوم الأحد على موقع التواصل الاجتماعي “فيس بوك” قائلاً: النهاردة بعد صلاة الفجر روحت أشتري فاكهة من فكهاني أول مرة أدخل عنده، نقيت شوية موز وست مسنّة جدًّا هي اللي بتوزن وتبيع، وفجأة شوية تين برشومي من اللي رصاهم للعرض وقعوا لوحدهم فلميناهم سوا، وبعدين قالتلي منه لله اللي غلّا الحاجة وخلا الناس تبقى عينها في حاجة نفسها تجيبها لعيالها ومش معاها.

وتابع: فقلتلها معلش يا أمي ربنا يفرجها قالتلي ده ذنب الراجل الطيب اللي محبوس هو وكل اللي زيه، قلتلها ادعيلهم يا حاجة يمكن دعوتك تصيب إن شاء الله فقالت لي بدعيله والله ده ابني مهندس وبيحب مرسي جدًّا، روح يا ريس مرسي ده ربنا اللي خلق الظلم خلق معاه العدل يا رب يجعل في بقك سكرة وفي قلبك جوهرة يا راجل يا طيب يالي دقنك منورة انت وكل اللي زيك.

وختم قائلاً: من ساعتها وأنا في حالة بشر وانتعاش وسكينة.. والله يا أبي لن يضيعك الله.