مطريه أون لاين matariaonline.com matariaonline.net
مقالات مشابهة
واصلت حركة ثورة الإنترنت، حملاتها بحملة جديدة للرد على قيام وزارة الاتصالات بزيادة كروت الشحن، تحت شعار “مش حنشحن” حتى 14 أكتوبر الجارى.
وقالت ثورة الإنترنت عبر صفحتها بفيس بوك، لحد امتى هنسكت على جشع واستغلال شركات الإنترنت والموبايل وسكوت الوزير وتنظيم الاتصالات عليهم؟ سكوتنا عليهم سبب فى جشعهم وحجب خدمات مجانية ومراقبة وغلاء الأسعار، وتحديد الإنترنت، وفرض الضرائب علينا، ورغم اعتراف الوزير “اننا مش بناخد غير ثلث الخدمه المتفق عليها”.. يبقى ازاى نقبل بضريبه 22% على خدمه زفت ومش بناخد غير ثلثها؟ وغالية بالمقارنة بباقى دول العالم المتقدمة.
وأضافت، عشان كده قررنا نعمل حاجه جديدة تخسر الشركات وتوقف الجشع والنصب، من يوم 30/9 كلنا هنمتنع عن شراء كروت الشحن ودفع الفواتير نهائيا، #مش_هنشحن غير للضروره فقط وبمبالغ قليلة “لحد ما ناخد حقنا” وهنقفل موبايلاتنا لمدة 3 ساعات من 9م حتى 12م كل يوم.
وتابعت: وكلنا هنتصور بورقة عليها كلمة #مش_هنشحن ونعلن مشاركتنا ونبعتها للصفحة ونشيرها ع الايفينت هنا.. ومن 9 لـ12 كل يوم هنجمع الموبايلات ونشيل الخطوط منها ونصورها ونبعتها للصفحة.
وقالت إن مطالبها تتمثل فى “إقالة وزير الاتصالات ياسر القاضى لعدم تنفيذه وعوده وتجاهله الإنترنت والاتصالات وإقالة جهاز تنظيم الاتصالات وتعيين رئيس جديد للجهاز، ووزير من الشباب، والتحقيق مع وزير الاتصالات وجهاز تنظيم الاتصالات وإلغاء الضريبة من على المستخدم وتتحملها الشركات بالكامل، وتخفيض أسعار الإنترنت لتتناسب مع دخل المواطن المصري، وإلغاء الاستخدام العادل وإلغاء الاحتكار وفتح السوق لمنافسة حرة.
